५.५९
तथेत्युपस्पृश्य पयः पवित्रं सोमोद्भवायाः सरितो नृसोमः ।
उदङ्मुखः सोऽस्त्रविदस्त्रमन्त्रं जग्राह तस्मान्निगृहीतशापात् ॥
सञ्जीविनीटीका (मल्लिनाथः) तथेति॥ ना सोमश्चन्द्र इव नृसोमः। उपमितसमासः। सोम ओषधिचन्द्रयोः इति शाश्वतः। पुरुषश्रेष्ठ इत्यर्थः। अस्त्रविदस्त्रज्ञः सोऽजः। तथा इति। सोम उद्भवो यस्याः सा तस्याः सोमोद्भवायाः सरितो नर्मदायाः। रेवा तु नर्मदा सोमोद्भवा मेखलकन्यका इत्यमरः। पवित्रं पय उपस्पृश्य पीत्वा। आचम्येत्यर्थः। उदङ्मुखः सन्निगृहीतऽशापान्निवर्तितशापात्। उपकृतादित्यर्थः। तस्मात् प्रियंवदादस्त्रमन्त्रं जग्राह ॥
छन्दः उपजातिः [११]
छन्दोविश्लेषणम्
१२३४५६७८९१०११
त थेत्यु प स्पृश्यप यःप वि त्रं
सो मोद्भ वा याःसरि तोनृ सो मः
उ दङ्मु खः सोऽस्त्रवि दस्त्र म न्त्रं
ज ग्राह त स्मान्निगृ हीत शा पात्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.