सञ्जीविनीटीका (मल्लिनाथः)
स इति॥ हि यस्मात्कारणात् स रघुर्युक्तदण्डतया यथापराधदण्डतया सर्वस्य लोकस्य मन आददे जहार। क इव? अतिशीतोऽत्युष्णो वा न भवतीति नातिशीतोष्णः। नञर्थस्य नशब्दस्य सुप्सुपेति समासः। दक्षिणो दक्षिणदिग्भवो नभस्वान् वायुरिव। मलयानिल इवेत्यर्थः। युक्तदण्डतया इत्यत्र कामन्दकः-उद्वेजयति तीक्ष्णेन मृदुना परिभूयते। दण्डेन नृपतिस्तस्माद्युक्तदण्डः प्रशस्यते ॥ इति ॥
छन्दः
अनुष्टुप् [८]
छन्दोविश्लेषणम्
| १ | २ | ३ | ४ | ५ | ६ | ७ | ८ |
|---|
| स | हि | स | र्व | स्य | लो | क | स्य |
| यु | क्त | द | ण्ड | त | या | म | नः |
| आ | द | दे | ना | ति | शी | तो | ष्णो |
| न | भ | स्वा | नि | व | द | क्षि | णः |