४.३७
आपादपद्मप्रणताः कलमा इव ते रघुम् ।
फलैः संवर्धयामासुरुत्खातप्रतिरोपिताः ॥
सञ्जीविनीटीका (मल्लिनाथः) आपादेति॥ आपादपद्ममङ्घ्रिपम्दपर्यन्तं प्रणताः। अत एव, उत्खाताः पूर्वमुद्धृता अपि प्रतिरोपिताः पश्चात्स्थापितास्ते वङ्गाः। कलमा इव शालिविशेषा इव। शालयः कलमाद्याश्च षष्टिकाद्याश्च पुंस्यमी इत्यमरः (अमरकोशः २.९.२५ ) । तेऽप्यापादपद्मं पादपद्ममूलपर्यन्तं प्रणताः। पादो बुध्ने तुरीयांशशैलप्रत्यन्तपर्वताःइति विश्वः। उत्खातप्रतिरोपिताश्च। रघुं फलैर्धनैः। अन्यत्र, -सस्यैः। संवर्धयामासुः। फलं फले धने बीजे निष्पत्तौ भोगलाभयोः। सस्ये इति केशवः॥
छन्दः अनुष्टुप् [८]
छन्दोविश्लेषणम्
१२३४५६७८
आ पाद प द्मप्रण ताः
कल माइव तेर घुम्
फ लैः सं वर्ध या मासु
रु त्खा तप्रति रोपि ताः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.