२.६५
संतानकामाय तथेति कामं राज्ञे प्रतिश्रुत्य पयस्विनी सा ।
दुग्ध्वा पयः पत्रपुटे मदीयं पुत्रोपभुङ्क्ष्वेति तमादिदेश ॥
सञ्जीविनीटीका (मल्लिनाथः) संतानेति॥ सा पयस्विनी गौः। संतानं कामयत इति ह्यंतानकामः। कर्मण्यण् (अष्टाध्यायी ३.२.१ ) तस्मै राज्ञे तथेति। काम्यत इति कामो वरः। कर्मार्थे घञप्रत्ययः। तं प्रतिश्रुत्य प्रतिज्ञाय, हे पुत्र!मदीयं पयः पत्रपुटे पत्रनिर्मिते पात्रे दुग्ध्वोपभुङ्क्ष्व पिब इति तमादिदेशाज्ञापितवती। उपयुङ्क्ष्व इति वा पाठः॥
छन्दः इन्द्रवज्रा [११: ततजगग]
छन्दोविश्लेषणम्
१२३४५६७८९१०११
सं तान का मायत थेति का मं
रा ज्ञेप्र ति श्रुत्यप यस्वि नी सा
दु ग्ध्वाप यः पत्रपु टेम दी यं
पु त्रोप भु ङ्क्ष्वेतित मादि देश
ततजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.