१२.९५
अयःशङ्कुचितां रक्षः शतघ्नीमथ शत्रवे ।
हृतां वैवस्वतस्येव कृटाशाल्मलिमक्षिपत् ॥
सञ्जीविनीटीका (मल्लिनाथः) अय इति॥ अथ रक्षो रावणोऽयसः शङ्कुभिः कीलैश्चितां कीर्णा शतघ्नीं सोहकण्टककीलितयष्टिविशेषम्। शतघ्नी तु चतुस्ताला लोहकण्टकसंचिता। यष्टिः इति केशवः। हृतां विजयलब्धाम्। वैवस्वतस्यान्तकस्य कूटशाल्मलिमिव। शत्रवे राघवायाक्षिपत् क्षिप्तवान्। कूटशाल्मलिरिव कूटशाल्मलिरिति व्युत्पत्त्या वैवस्वतगदाया गौणी संज्ञा। कूटशाल्मलिर्नामैकमूलप्रकृतिः कण्टकी वृक्षविशेषः। रोचनः कूटशाल्मलिः इत्यमरः (अमरकोशः २.४.४७ ) । तत्सादृश्यं च गदाया अयःसंङ्कुचितत्वादनुसंधेयम् ॥
छन्दः अनुष्टुप् [८]
छन्दोविश्लेषणम्
१२३४५६७८
अ यः शङ्कुचि तां र क्षः
श त घ्नीमथ शत्र वे
हृ तां वै वस्व त स्येव
कृ टा शाल्मलि मक्षि पत्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.