१२.७३
पादपाविद्धपरिघः शिलानिष्पिष्टमुद्गरः ।
अतिशस्त्रनखन्यासः शैलरुग्णमतंगजः ॥
सञ्जीविनीटीका (मल्लिनाथः) पादपेति॥ किविधो रणः? पादपैर्वृक्षैराविद्धा भग्नाः परिघा लोहबद्धकाष्ठानि यस्मिन्स तथोक्तः। परिघः परिघातनः इत्यमरः (अमरकोशः २.८.९१ ) । शिलाभिर्निष्पिष्टाश्चूर्णिता मुद्गरा अयोघना यस्मिन्स तथोक्तः। द्रुघणो मुद्गरघनौ इत्यमरः (अमरकोशः २.८.९१ ) । अतिशस्त्राः शस्त्राण्यतिक्रान्ता नखान्यासा यस्मिन्स तथोक्तः। शैलै रुग्णा भग्ना मतंगजा यस्मिन्स तथोक्तः ॥
छन्दः अनुष्टुप् [८]
छन्दोविश्लेषणम्
१२३४५६७८
पाद पा विद्धपरि घः
शि ला नि ष्पिष्ट मुद्ग रः
अति शस्त्रन ख न्या सः
शैल रुग्णम तंग जः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.