११.२७
तत्र यावधिपती मखद्विषां तौ शरव्यमकरोत्स नेतरान् ।
किं महोरगविसर्पिविक्रमो राजिलेषु गरुडः प्रवर्तते? ॥
सञ्जीविनीटीका (मल्लिनाथः) तत्रेति॥ स रामः। तत्र रक्षसां बले यौ मखद्विषामधिपती तौ सुबाहुमारीजौ शरव्यं लक्ष्यमकरोत्। वेध्यं लक्ष्यं शरव्यं चइति हलायुधः। इतरान्नाकरोत्। तथा हि-महोरगविसर्पिविक्रमो गरुडो गरुत्मान् राजिलेषु जलव्यालेषु प्रवर्तते किम्? न प्रवर्तत इत्यर्थः। अलगर्दो जलव्यालः समौ राजिलडुण्डुभौ इत्यमरः (अमरकोशः १.८.५ ) ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
तत्र यावधिप तीम खद्वि षां
तौश रव्यमक रोत्स नेत रान्
किंम होरगवि सर्पि विक्र मो
राजि लेषुगरु डःप्र वर्त ते
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.