१.६१
तव मन्त्रकृतो मन्त्रैर्दूरात्प्रशमितारिभिः ।
प्रत्यादिश्यन्त इव मे दृष्टलक्ष्यभिदः शराः ॥
सञ्जीविनीटीका (मल्लिनाथः) तवेति॥ दूरात् परोक्ष एव प्रशमितारिभिः। मन्त्रान्कृतवान् मन्त्रकृत्। सुकर्मपापमन्त्रपुण्येषु कृञः (अष्टाध्यायी ३.२.८९ ) इति क्विप्। तस्य मन्त्रकृतो मन्त्राणां स्रष्टुः प्रयोक्तुर्वा तव मन्त्रैः कर्तृभिः दृष्टं प्रत्यक्षं यल्लक्ष्यं तन्मात्रं भिन्दन्तीति दृष्टपेषकैरिति निराक्रियन्त इव इत्युत्प्रेक्षा। प्रत्यादेशो निराकृतिः इत्यमरः (अमरकोशः ३.२.३१ ) । त्वन्मन्त्रसामर्थ्यादेव नः पौरुषं फलतीति भावः ॥
छन्दः अनुष्टुप् [८]
छन्दोविश्लेषणम्
१२३४५६७८
तव मन्त्रकृ तो म न्त्रै
र्दू रात्प्रशमि तारि भिः
प्र त्या दि श्यन्तइव मे
दृष्ट लक्ष्यभि दःश राः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.